Food with Ramy Soli

عملت سلطة مكرونة ميكسيكي بما أنا و التلاجة مع بعض بقالنا سنة الحمدلله 🥰 عقبالكم 😂 #tiktokcookbook #mexicanpasta #fridgedrawer

تحدي المنيو كامل 😂 #WhereToEat #wheretoeategypt #burrito #fastfood

تشيز كيك مقلوبة المكونات ٥٠٠ جرام بسكوت صباع زبدة سايحة كوب قشطة أو كريمة خفق ٣/٤ كوب سكر كيلو جبنة كريمي (ممكن نص الكمية تبقى ماسكربوني) كوب صوص توت مشكّل الطريقة بنطحن البسكوت في الكبة لحد ما يبقى ناعم زي الرمل، وبنضيف عليه الزبدة السايحة ونقلب كويس لحد ما القوام يبقى ماسك نفسه. بنفرد الخليط ده في صينية تشيز كيك من تحت وعلى الجوانب كويس جدًا، وبندخلها التلاجة شوية عشان تمسك وتتماسك. في الوقت ده بنجهز الحشوة. بنخلط القشطة أو الكريمة مع السكر، ونقلبهم لحد ما السكر يدوب خالص، وبعدين نضيف الجبنة الكريمي ونقلب لحد ما الخليط كله يبقى كريمي وناعم ومتماسك. بنطلع الصينية من التلاجة ونفرد طبقة من صوص التوت فوق البسكوت، وبعد كده نحط نص كمية خليط الجبنة. بنعمل حفرة صغيرة في النص ونملاها بباقي الصوص، وبعد كده نغطيه بباقي خليط الجبنة. بندخل الصينية التلاجة لمدة ٦ ساعات أو ليلة كاملة لحد ما تتماسك. بعد ما تبرد وتتماسك، بنقلب التشيز كيك على وشها، ونقدمها ونكسرها ... طعمها خطير! #tiktokcookbook #cheesecake #upsidedowncheesecake

التشيز كيك المقلوبة في Suss 🫡 #WhereToEat #wheretoeategypt

لقيت مكان طيب في الساحل اسمة خيرية ❤️#WhereToEat #wheretoeategypt #sahel

النهاردة هنعمل رز وملوخية وفراخ محمّرة زي زمان – وبـ 10 مكونات بس! 🍗🌿🍚 ‎رابع حلقة في سلسلة “زمن الطبخ الجميل” ✨ ‎🛒 المكونات: ‎للفراخ والشوربة: ‎ • ٢ معلقة سمنة ‎ • فرخة كاملة ‎ • بصلة كبيرة ‎ • ٤ ورق لورا ‎ • ١٠ فلفل أسود صحيح ‎ • ١.٧٥ لتر مية ‎ • ٢ معلقة سمنة لتحمير الفراخ ‎للرز: ‎ • ١ معلقة سمنة ‎ • نص كباية شعرية (٨٠ جم) ‎ • ٢ كباية رز مصري مغسول (٤٠٠ جم) ‎ • ملح ‎ • نص لتر شوربة أو مية ‎للملوخية: ‎ • ١ لتر شوربة ‎ • كيس ملوخية مجمدة (٤٠٠ جم) ‎ • ٣ فصوص توم مفروم ‎ • ملح ‎للتقلية (التَشة): ‎ • ٢ معلقة سمنة ‎ • ٥ فصوص توم مفروم ‎ • معلقة صغيرة كزبرة ناشفة ‎ • ملح ‎🥣 الخطوات: ‎١. نشوّح الفرخة في سمنة لحد ما تاخد لون دهبي، نضيف بصل، ورق لورا، فلفل، ومية. نسيبها تستوي على نار هادية ١.٥–٢ ساعة. نصفي الشوربة ونركن الفرخة. ‎٢. في حلة تانية: نحمر الشعرية في سمنة، نضيف الرز والملح، وبعدين الشوربة أو المية. نغطي ونسيبه يستوي. ‎٣. نسخن الشوربة من غير غليان، نضيف الملوخية والتوم، ونقلب كويس. ‎٤. نعمل التَشة: سمنة، توم، كزبرة. أول ما تاخد لون، نضيفها على الملوخية. ‎٥. نحمّر الفرخة في شوية سمنة لحد ما تبقى دهبيّة مقرمشة. #tiktokcookbook #molokhia #vegetarian #egyptianfood

اكبر philly cheesesteak ساندوتش في مصر؟ 🤓 #tiktokcookbook #phillycheesesteak #sandwich

⁨ النضارة السحرية و الناشفيل فرايد تشيكين 🕶️⁩ #WhereToEat #wheretoeategypt

اغرب برجر في مصر 😳 #wheretoeategypt #WhereToEat #ufoburger

احلى فطار و فطير مصري 😍 #wheretoeatuae #wheretoeatdubai #WhereToEat

لابوبو بتوابل البطاطس من @MAGGI Arabia #tiktokcookbook #labubu

النهاردة في فيديو رقم 5 من سلسلة "زمان الطبخ الجميل" رجعنا للأساسيات وهنعمل أحلى حواوشي بيتي 😍 المكونات: نص كيلو لحمة مفرومة ٨٠ جم ليه مبشورة بصلية كبيرة فلفلية خضرا صغيرة فلفل حار (اختياري) ٢ معلقة كبار ٧ بهارات أو بهارات لحمة ملح سمنة سايحة للدهن 💡 لو حابين تعملوا بهارات اللحمة في البيت: قرنفل صحيح، حبهان صحيح، كمون، قرفة صحيحة، جنزبيل بودرة، جوزة الطيب، فلفل أسود، وملح – نطحنهم مع بعض وهتطلع ريحتها تقلب البيت هنفرم البصل والفلفل ونصفيهم كويس من السوايل نضيفهم على اللحمة والليه والبهارات ونرش رشة ملح مظبوطة ونعجنهم كويس قوي نجيب رغيف عيش بلدي ونفتحه نصين نحشي اللحمة جوه ونساويها كويس عشان تستوي تمام ندهن العيش من فوق بالسمنة ونشويه ممكن في الفرن، على الشواية، أو على طاسة نارها هادية عشان اللحمة تستوي والعيش يقرمش من بره من غير ما يتحرق قدموه مع بطاطس محمرة وتورشي وطحينة قولولي تحبوا نعمل أكلة إيه تاني في السلسلة دي؟ 😋 #tiktokcookbook #حواوشي #اكل_مصري

صوص التوت المشكل ينفع مع التشيز كيك، البانكيك، الفرنش توست، العصاير، وكل الحلويات! المكونات: ▪️٤٠٠ جرام توت مشكل (فريش أو مجمد) ▪️عصير ليمونة ▪️٢ عود قرفة ▪️تقريباً نص كباية جربوه وهم يا جمل! 😋🍓 #tiktokcookbook #cheesecake #upsidedowncheesecake

كولوب ساندويتش عشان تامر 😒#tiktokcookbook #clubsandwich #بريستيج

One of the most unforgettable sushi experiences in Egypt with @Mahmoud El Adany at Oak Bay 😮‍💨🍣 #WhereToEat #wheretoeategypt #sushi

‎ صينية فراخ بالرز واللبن في الفرن ‎المكونات: ‎للفراخ: * نص كيلو صدور فراخ مكعبات * ٦ فصوص توم مفروم * معلقة زعتر أو أوريجانو أو توابل إيطالي * معلقة زيت زيتون * عصير ٢ ليمونة * رشة ملح ‎للصينية: * ٢ معلقة سمنة (لدهن الصينية) * ١ كوب رز بسمتي مغسول * ١ علبة ذرة * ١ كوب بسلة مجمدة * ٦ فصوص توم مفروم * معلقة زعتر أو أوريجانو * عصير ٢ ليمونة * ٢ كوب لبن كامل الدسم * ١ فلفل ألوان مقطع (اختياري) * ١ مكعب مرقة فراخ ‎للتزيين (اختياري): * نص كوب بقسماط بانكو محمص * بقدونس فريش مفروم * جبنة بارميزان مبشورة * هوت صوص ‎ الطريقة: ‎نتبّل الفراخ بالثوم، التوابل، زيت الزيتون، الليمون والملح ونسيبها على جنب.
ندهن صينية فرن بالسمنة، ونضيف فيها الرز، الذرة، البسلة، الثوم، التوابل، مكعب المرقة، عصير الليمون، ونقلبهم.
نضيف اللبن ونساوي المكونات، نحط فوقهم الفلفل والفراخ.
نغطي بفويل وندخلها الفرن نص ساعة، نشيل الفويل ونكمّل التسوية ٢٠ دقيقة كمان.
نزيّن بالبقسماط المحمص، البقدونس، البارميزان والهوت صوص لو حابين.

مفيش وقت تطبخوا؟ وعندكم ضيوف جاعنين؟ الوصفة دي ليكم… محتاجة حلة واحدة بس! المكونات: • ١ م ك زيت زيتون • ١/٢ كجم لحمة مفرومة • ١ بصل مفروم • ١ فلفل رومي مفروم • ١ جزر مبشور • ٤ فصوص توم مفروم • ٢ م ك توابل تاكوز • ٣ م ك معجون طماطم • ٤٠٠ جم طماطم معلبة أو بيوريه • ٤٠٠ جم مكرونة نية • ١ مكعب مرقة لحمة • ٤٠٠ مل ميه سخنة • ١/٢ ك قشطة أو كريمة طبخ • ملح وفلفل حسب الرغبة • بقدونس وبارميزان للتقديم الخطوات: ١. شوّحوا اللحمة في الزيت لحد ما تاخد لون حلو، وهنجّبها على جنب جوه الطاسة. ٢. على نفس الجنب التاني، شوّحوا البصل، الفلفل، والجزر مع رشة ملح. ٣. ضيفوا التوم، وتوابل التاكوز (جاهزة أو من الخلطة تحت). ٤. قلبوا معجون الطماطم، وقلّبوا كله مع بعضه. ٥. ضيفوا الطماطم، المكرونة النية، مكعب المرقة، والميه السخنة. ٦. غطّوا واطبخوا على نار هادية ١٥ دقيقة، وقلّبوا كل شوية. ٧. ضيفوا الكريمة والفلفل، وقلّبوا لحد ما الصوص يربط ويبقى كريمي. ٨. زيّنوا ببقدونس وبارميزان… واستمتعوا بأكلة ولا أجدعها مطعم! خلطة توابل تاكوز بيتية (تكفي كذا مرة): • ٢ م ك بابريكا • ٢ م ك كمون • ١ م ك شطة • ١ م ك زعتر ناشف • ١ م ك بصل بودرة • ١ م ك توم بودرة • ١ م ك ملح • ١ م ك فلفل (اخلطوهم كويس وخدوا منهم ٢ م ك للوصفة) #tiktokcookbook #onepotrecipe #onepotmeals

علبة ايس كريم فيها ٦٥ جرام بروتين بمكونين بس 🤯 #tiktokcookbook #proteinicecream #highprotein

Should I update my bio as the founder of the tiramisu fridge drawer trend 😂 #tiktokcookbook #fridgedrawer #holyairball